| Sumario: | Gi wiri buku re ti na ndu na gu sã du nga Gu baigä ahẽẽ du ringara yo: pai tipa ha na manga ha. Gu wiri buku nga ga baakpurasihe (gu vovo kekehe) du be Ronnie Vernooy, Bhuwon Sthapit, and Guy Bessette (parukäahẽẽ rogo aringara 2020).
Agi abuku du biata re si du na kusa gi tooni buku re nga gu i a ke he ki mbakädi he fu agu aboro na kusa rigo ringara yo nga agu yo du nyämu ka mangapai, ka songoda pai, na ka ngera fuo gu babanda tungaahẽẽ nga ga aboro ringara.
Gi sunge re si nga surungba gu dudungurã wisigäpaapai na sonosa pa mangaapai na gu mangaapai nga ga gu Baiga Tungaahẽẽ nga ga Ringara nga gu gu riigbuu a songoda ha nga, gu Bamansunge nga ga Asopobino, Gu Basunge nga ga Rũkäangua na Ngera fuo Atĩõ (DAFF) rogo gu kikĩ gaha basunge du South Africa yo. Ani na fu tambuahẽẽ fu gu riigbuu nga DAFF tipa ka fu gu mämu fu rani ka ke gi wiri tooni buku re, nga gu ani a manyã bangirani nga asopobino na ka manga sune na ni rogo zegino dundukoạgu apai i a fura tipa ha hẽrẽ na kina
sangba agu aboro na ke he.
Mbata fu nyãsa ani ke gi wiri buku re, ani a ima asada ngbatunga kina boro ho Zimbabwe yo na gu rugapai na kodatise nga ga agu amängisunge nga ga gu riigbuu nga Gu dungurã Dungurã Ainihẽẽ Nga ga Sonosarago yo (CTDT) na gu kodatise na angia ga Gu aboro du rogo gu Baigä Tunga Nga ga Abororingara agu yo du rogo gu rago nga Uzumba Maramba Pfungwe na Mudzi. Ani na ngbarago tipa gu dungu wene afugo tambuahẽẽ na sakarogoapai nga gu i a mängi. Ani na fu tambuahẽẽ aa fu CTDT tipa du yo na nyämu ka asada gu pai du rgo gi wiri buku re, bambiko gi pai du tipa mbakada pa yugo vovo tungahẽẽ fu aboro du rogo (biata wiri buku he) na tipa gayo wene kodatise.
Ani na fu tambuahẽẽ fu Anna Porcuna Ferrer, Arnab Gupta du rogo gu Bakere Ba wiripai Tipa rũkurũkũahẽẽ nga Deendayal, tipa fu yo gayo akpiahẽẽ fu rani ani mängi sunge na ni.
Ani na fu tambuahẽẽ aa fu gu dungu asopobino gu dungu adee na akumba ng agu na a tona gu riigbuu nga ga gu ba igä tungaahẽẽ nga ga aboro ringara rogo zegino dunduko. Ani asädi ka rimisä gayo inähẽẽ na agu apai i a mängi, na, gu kpakra apai na mangapai tipa ka manyã, ka songoda, na ka ngera fuo gu baigä tungaahẽẽ nga ga abororingara. Manga gi riigbuu re na banda ha si ki ni ndu ku mbata yo kindi na ida gu pai nga futise, regbo, na guome nga ga dungu aboro. Ani na manyã bangirise nga rogo gi wiri buku re, dungu asopobino a rimä ku rogo gu riigbuu nga ga Gu Baigä Tungaahẽẽ nga ga aboro ringara.
Gaani tambuahẽẽ fu Sandra Garland, tipa ngera rii gi kekeapai re na Luca Pierotti tipa yugo pa waĩ ka mbakada gi tooni buku re.
|
|---|